التطور الرهيب اللى بيحصل كل يوم محتاج تتابعه عشان تقدر تكبر فى المجال وفى نفس الوقت تقدر تقدم حلول سريعة ومفيدة فى التحديات اللى بتقبلك

ازاي تقدر تتابع الجديد فى المجال؟

1- اتكلم مع زمايلك اللى تعرفهم زي ما احنا بنقول فى مصر المجال اوضة وصالة

2- احضر المؤتمرات اللى بتحصل لو تقدر

3- قراءة الكتب خصص وقت ثابت فى اليوم تقراء فيه نص ساعة مثلا

4- شوف متطلبات الوظائف الجديدة اكيد الناس اللى بتطلب حاجة اكيد مستخدمة وتعلمها هايضيف ليك

5- شوف الكورسات الجديدة

6- تابع الاشخاص والصفحات اللى فى مجالك واللى بيكتبوا مقالات بشكل مستمروحاليا فيه ناس كتير باللغة العربي مع حفظ الالقاب كمان زي

a. https://www.linkedin.com/in/mohamed-hammad-a720a622/

b. https://www.linkedin.com/in/ahmdelemam/

c. https://www.linkedin.com/in/sameh-deabes/

d. https://www.linkedin.com/in/muhammedmmagdi/

7- انضم للجروبات

8- اعمل POC تجرب فيها

9- لو تقدر تعلم الناس اللى اتعلمته

انا بكتب الكلام ده ليه وفى الغالب معظم الناس عارفينه لان معظمنا بيقع فى اخطاء بتحصل واحنا بنتعلم

1- انه عايز يتعلم كل حاجة ف بيكون مشتت ابدا بالاقرب لمجالك وخد لك بصة فى الحاجات التانيه

2- انه عايز يطبق اللى اتعلمه ف بيحطه حل لكل مشاكله

واشهر مثال اقدر اديه هنا هو microservices الناس لما بتذاكر فى الموضوع ده تحديدا بتكون شيفاه العصا السحرية اللى بتحل كل المشاكل

1- عندك فصل لكل العناصر

2- تقدر ت scale كل service لوحدها

3- تقدر ت deliver كل service لوحدها

4- تقدر ت test كل service لوحدها

5- تقدر تكتب كل service لوحدها

6- وكذا وكذا

فتاخد القرار وتهاجم اي حد شغال monolith وتقوله يا راجل هو فيه حد شغال لسه كده وده حصلك نتيجة

ان اللى بيشرح حاجة فى الغالب بيشرح مميزات الحاجة دي وبيذكر العيوب لمجرد الذكر بس ف انت كمتلقى للمعلومة لازم تحاول تمسك العصايا من النص انك تروح تدور على مشاكل الحاجة مع مميزاتها مثلا لما تدور على مشاكل ال microservice هتلاقى تنفيذ الحاجات الجاية دي صعبة وف الغالب انت سيستم مش محتاج تخلق التحديات دي

a. transaction scope

b. Authentication

c. Observability

d. Authentication

فى النهاية حابب انصحك بعض النصائح وده راي الشخصي يحتمل الصواب والخطأ

1- اقسم trend الى 3 مراحل

1. مرحلة الاستكشاف انك تعرف الحاجة دي موجودة

2. مرحلة التعلم لما تلاقى معظم الناس بدأت تسنخدمها وتعملها POC

3. مرحلة التكييف اه دي فعلا stable وليها support وهتحل مشكلة مش هتذود مشاكل وابدا اطبقها عندي

2- نوع مصادرك

3- اوعي ابدا تنحاز لفكرة واحدة

4- ابدا بالطبيعى فى المثال مثلا اللى هو ال monolith الا اذا كان فيه سبب يخليك تروح لل microservices

5- اعرف ان القرار اللى هاتخده ده ممكن يكلف الشركة وقت وفلوس

واعرف لو طبقت حاجة مش مناسبة ليك هتبقى عامل زي صعيدي فى الجامعة الامريكية :]